名模琦琦早前到法國拍攝牛仔褲廣告，適逢當地寒冷兼下雨，為求好天氣，她便拉隊到巴黎聖母院祈禱，終於感動上天停雨。不過琦琦仍然要在零度寒風中影相，僅僅貼上暖包保暖，她抱小貓拍照時又被抓出長長血痕，令她以後不太敢抱貓。
名模琦琦去年為牛仔褲品牌allureblues出任設計和廣告女郎，之前她更遠赴法國巴黎一星期，拍攝08年春夏新廣告。琦琦在當地的浪漫名勝取景，包括巴黎鐵塔、羅浮宮和塞納河等，拍出結合古典詩意，與現代型格的優美照片，她又穿上綴有水晶和閃金布料的牛仔褲，穿梭大街小巷，擷取法式風情。
祈禱求好天氣
琦琦說：「出發前，我查過當地只得攝氏零度，天氣報告話每日都落雨，冇太陽，所以一直都好擔心。去到第一日真係天黑又落雨，所以我哋拉隊去咗巴黎聖母院祈禱，祈求好天氣，可能我哋嘅真心，感動咗個天，第二日真係出太陽，仲全日都藍天白雲，完成晒拍攝後，我哋第三日又去聖母院感恩。」
由於天氣寒冷，戶外又非常大風，琦琦卻只穿背心或短袖衫，惟有貼上三個暖包取暖，令她差點感冒。
問到拍攝趣事時，琦琦透露與即興借來的貓狗合作，令她變成容易受傷的女人，她說：「喺羅浮宮影相時，有個女大學生抱住隻小貓經過，小貓仲着住衫，我覺得影出嚟會好高貴同得意，咪問佢借嚟影，點知隻貓都係第一次出街，抱上身驚到震，仲一爪由我個頭抓落膊頭，留低成呎長嘅血痕。我一向對貓怕怕哋，我諗要等一輪先可以再同貓合作。」
帶女捧阿B場
此外，琦琦前晚帶着愛女Ella欣賞鍾鎮濤（阿B）演唱會，兩母女在台下看得津津有味，非常投入。
撰文：DebbieLum