緋聞情侶孫耀威和楊秀惠昨日一同出席公開場合，雖沒同台演出，但碰面時仍大方合照，楊秀惠還揚言：「我最鍾意影相，佢都影就最好啦。」又謂若果一起玩遊戲，一定會贏出，看來她大方得體的言行絕對適合當他背後的女人。
無綫節目《屯門繽紛迎奧馬》昨日在屯門進行戶外錄影，嘉賓分成歌星隊和藝員隊玩遊戲，現場還有馬匹公仔做佈景。孫耀威以表演嘉賓身份到場，其緋聞女友楊秀惠則以藝員隊隊員身份現身，兩人在後台雖然享用不同化妝間，但也有緣相聚，今次是傳緋聞後第二次出席公開場合，但他們依然爽快合照，楊秀惠說：「我嚟到先知佢做嘉賓，大家唔需要避忌，避咪顯得更加有嘢，聽到佢綵排，我都有去前台欣賞。」
何韻詩失聲咪嘴
對於大方合照，楊秀惠笑說：「我最鍾意影相，佢都影就最好啦，大家始終合作過，佢份人好nice，如果一齊玩遊戲更加會贏。」孫耀威則再三強調大家只是朋友，還表示早前傳緋聞只是為宣傳，不想來來去去只傳一個目標。
何韻詩在台上獻唱新歌《韻律泳》時咪嘴，她解釋：「因為前幾日錄音失聲，醫生話我喉嚨感染細菌，幾日冇開聲講嘢，今日惟有咪嘴。」談到在blog上透露將會投資，阿詩說：「其實係一個攤檔，除咗賣一啲自己嘅嘢外，仲會出自己品牌，全部都自己落手落腳做，投資佔七位數字。」
Yumiko盼阿嬌開心
鄭希怡（Yumiko）揚言渴望為奧馬出一份力，還希望參與啦啦隊。有指鍾欣桐（阿嬌）與麥浚龍（Juno）一同告假旅行，Yumiko說：「外界揣測啫，人哋都冇話係咪，我都唔知道，只希望阿嬌開心，可以畀空間佢放吓假。」
採訪：卓寶花
攝影：仇志德
