萬人迷碧咸效力的美職聯洛杉磯銀河，昨日與本地薑南華於香港大球場踢表演賽，吸引賭王何鴻燊四姨太梁安琪、鍾鎮濤、范姜、張堅庭和張達明等捧場，其中四姨太和張達明等均表示前來支持本地波，而南華全場以2:2與銀河隊打成平手，最後互射12碼以5:4擊敗銀河，總算不負眾望。
碧咸效力的美職聯洛杉磯銀河，昨日於香港大球場展開亞洲之旅最後一站表演賽，跟本地薑南華對賽，捧場者眾，包括張達明與太太及兒子一家三口、谷德昭及外甥女、張堅庭及兒子、鍾鎮濤（阿B）及女友范姜、沈嘉偉及胞弟，以及賭王何鴻燊四姨太梁安琪等。
賭王親送睇球賽
不過，昨日雖然有萬人迷碧咸上陣，但不少前來睇波的名人藝人，主要是支持本地波南華。張達明一家三口於昨日下午2時半便出現大球場，達明一見記者即笑笑口說：「我嚟支持本地波南華㗎，但都想睇吓碧咸嘅。」沒多久，阿B亦與范姜出現，問范姜是陪阿B睇波還是特地前來睇碧咸時，她笑說：「兩樣都係。」
在開波後35分鐘，四姨太梁安琪才乘坐賭王的HK1勞斯萊斯趕至，但賭王未有下車，四姨太跟賭王揮手講拜拜，表現恩愛。問四姨太賭王為何不陪她睇波時，四姨太說：「何生打網球，唔睇啦。」問她捧那一隊時，四姨太不假思索說：「梗係捧本地球隊啦！」那碧咸又如何？四姨太說：「都捧嘅，兩隊都捧。」
親切替fans簽名
未知是否洛杉磯銀河領隊、前世界足球先生古列治（RuudGullit）連日帶隊夜蒲而蒲致腳仔軟，昨日洛杉磯銀河最後在互射12碼時敗給本地薑南華，總算不負專誠前來捧場的四姨太所望。
看完球賽後，記者致電給張堅庭，他表示：「最好結果係碧咸可以入波，南華可以贏波，𠵱家都算係完美結果，不過銀河隊今日表現認真麻麻，碧咸幾次傳球畀隊友，佢哋都接唔到，佢喺呢隊波，真係有啲浪費。」
至於張達明同樣有這個感覺，他在電話中表示：「睇完場波，覺得銀河隊散收收，碧咸幾努力都冇用，不過碧咸可以入到兩球波，南華又可以贏到波，球迷應該會滿意。」
此外，前晚九時半左右，碧咸在保鑣陪同下，於下榻的君悅酒店晚膳後經過酒店大堂，大批fans即蜂擁上前拍照，其間碧咸也有為數名fans簽名，表現親切。
採訪：何永寧
攝影：林德雄、陳順禎、娛樂突發組