鍾鎮濤（阿B）前晚在紅館開騷，請來老友譚詠麟做表演嘉賓，二人唱《愛情陷阱》時由台上唱到落觀眾席，令全場氣氛高漲；不過，其間有男觀眾卻high到把阿倫扯落凳，繼而又強吻他，嚇得阿倫大叫抽水速逃，阿倫今次可謂「這陷阱、這陷阱，偏我遇上。」
鍾鎮濤「KennyBPremeiLive08演唱會」前晚於紅館舉行，演唱會高潮所在，乃是擔任嘉賓的譚詠麟與阿B合唱《愛情陷阱》部份，阿倫帶阿B走落台企上觀眾席的凳子上唱歌，大批歌迷觀眾衝上前伸手摸他們的腳，氣氛熱烈情緒高漲，其間有男觀眾更high到把阿倫扯落凳，然後情不自禁的錫了阿倫一啖，嚇得阿倫急急唱完歌便返回台上，並向阿B大叫道：「阿B快啲走，俾人抽水呀！」
唔陪徐濠縈過生日
阿B今次個唱其中一環節為「見證樂壇40年」，他除先後扮黎明唱《Oh！夜》及扮周杰倫rap歌外，在介紹自己60年代歌曲時，竟借淫照事件女主角鍾欣桐的「好天真、好儍」金句一用，阿B在台上說：「到60年代，我都冇咁天真冇咁儍，都有自己嘅band。」
阿B前女友樂易玲和陳奕迅（Eason）等前晚均有前來捧場，原來前日是Eason太太徐濠縈牛一，但只見Eason獨個兒出現，未有與徐濠縈同行，想不到他寧願睇阿B做騷，而沒有陪老婆過生日，可謂畀足面。這還不止，其後Eason更被阿B臨時請上台合唱《天下無雙》，Eason並恭喜阿B說：「恭喜你變番個開心人。」
小女兒獻花倍溫馨
其後阿B吹色士風時又感慨地說：「人生匆匆幾十年，開心又一日，唔開心又一日，點解唔開開心心過呢？我煮到埋嚟就食，最緊要對得住自己，對得住人。」說罷他與范姜所生的小女兒上台獻花，場面溫馨。
此外，阿B在台上數度感觸眼濕濕，如談到今年初病逝的父親時更幾乎忍不住落淚，他說：「好遺憾爸爸走咗，睇唔到我嘅演唱會，不過相信佢會保佑我。」
採訪：張俊銘
攝影：陳順禎