尚有個多星期便是台灣總統選舉，由於在早前的台灣立委選舉中，國民黨取得大勝，加上「小馬哥」人氣急升，今次大選，應難再如上兩屆般「爆冷」由民進黨勝出。不過無論選舉結果如何，兩岸三通都已成為市場熱門話題，有利相關股份炒作。
事實上，近期不少在台灣從事消費、零售以至旅遊及房地產相關的股份已連日漲停，香港股民由於不熟台股行情，基本上是很難參與，至於本港上市的股份，暫時看來未見炒味，不過，今日招股的中國旺旺（151）應該多少會刺激申請反應。
有機會炒作的三通受惠股中，廈門港務（3378）早前都炒過一轉，奈何未成氣候，股價在過去一星期回落甚急。廈門港於廈門東渡及海滄港區經營15個碼頭泊位，包括11個集裝箱及4個散貨泊位，07年上半年共處理161萬個標準箱，較06年同期增長10.54%，但散貨吞吐量則僅增長2.88%至224萬噸。
集團中期盈利1.717億元（人民幣．下同），增長17.2%，但主要是所得稅開支大減59%至2671萬元所致，反映盈利能力不算特別高，而集團持有的廈門港務A股，第三季淨利潤更較上年同期下跌47.7%。正因其往績質素較次，故股價較難炒起，到炒上時又好快冇氣，故只能趁回落時低吸，一見有錢賺就要獲利沽出。
廈門港難炒，但其他三通概念股應該遲早會炒，一方面台灣總統大選幾年先至一次，機會難逢，二來今次真正搞「大三通」機會相當高，相關股份會真正受惠。據報載近來一直都有台灣人在廈門、福州購置房產，至台灣立委選舉後逐步升溫，假如小馬哥獲勝，相信有機會形成一股炒風。
福邦睇勢跟炒
有福建大股東背景之股仔，其中一隻係福邦控股（1041），該公司最近斥資1.21億元，收購內地兩間從事海產食品加工公司，福建及潮汕沿海一帶海產豐富，亦為海產貿易及物流集中地，呢行應有可為，如見有鑊氣，可睇勢跟炒。