鍾欣桐（阿嬌）受淫照風暴影響要放假，但Twins早前秘密到深圳出席廣告商活動，被廣告商高層當眾錫面，當時阿嬌與蔡卓妍（阿Sa）都仍保持笑容，不過，昨日阿Sa單獨出席活動時，怒罵該男高層不懂尊重人，聲稱當時嬲得想用咪扑他的頭，又謂與阿嬌落台後即致電向公司投訴。
最近Twins的活動只得蔡卓妍單拖出席，鍾欣桐未投入工作，明天新城舉行的頒獎禮仍是只得阿Sa出席。昨天她與古巨基在尖沙嘴出席「香港2009東亞運動會吉祥物揭幕禮」，負責介紹吉祥物的人物性格，基仔被其中一隻吉祥物撞到頭部。
「『喔』一聲錫埋嚟」
大會公關貼身保護阿Sa，訪問時不斷叫記者問有關活動的內容。但早前Twins於內地出席一個廣告商的春茗，聲稱會力撐她們的高層，竟借醉於台上強吻Twins，令兩人尷尬不已。
阿Sa昨日連番表示核突，她說：「好突然，全場人聽到佢『喔』一聲錫埋嚟，如果係善意或者好似外國人禮貌式擁抱都OK，𠵱家好唔尊重囉！我差啲想用咪扑佢，佢又叫我飲酒，我咪敬全場人，當然我冇飲，因為隻杯有佢口水尾。嗰日我同阿嬌都好嬲，完咗活動即刻打番公司投訴。」
「大家一向有積蓄」
有指麥浚龍（Juno）於新碟宣傳期間申請放假，秘密與阿嬌旅行散心，阿Sa說：「應該唔會，之前有幾日我陪阿嬌飛去第二度玩，冇Juno份。」有指阿嬌最近零收入，但每月花六位數字供樓，作為拍檔的阿Sa繼續力撐她說：「佢用嚟自住嗰間，之前升咗600幾萬，如果其他係佢媽咪投資嘅，我就唔知。就算𠵱家放假零收入，但大家一向有積蓄，而且啲廣告一直有收錢。」
採訪、攝影：王連連
