民主黨第二梯隊成員馮煒光（Andrew），噚日喺海怡半島嘅辦事處開幕。佢話為咗環保，唔想送一般唔等使嘅擺設畀到場嘉賓，結果一開張就大出血，使咗接近2,000幾蚊幫襯港鐵，買咗廿幾張八達通卡送畀嚟撐場嘅兄弟，話寓意要求港鐵盡快興建南港島線喎，仲闊佬到話曾經考慮過幫張卡增埋值至送出嚟，但最後都冇咁做到。
查實Andrew租呢個辦事處都唔平，月租要成萬幾蚊，所以佢話成份議員津貼都用晒喺個辦事處度，仲要用自己份正職嘅收入貼錢服務街坊，難怪佢噚日話，推動民主嘅人，一定要先搞掂自己嘅財政狀況，如果唔係分分鐘連開飯都有困難。