女人唔易做，女人生活在香港就更唔易做，每天都過着忙得不可交加的生活，但最難的是，更忙都要扮得靚靚見人！今個春夏，本地薑tr囗shei首先脫去一身沉重的冬衣，換上質料輕盈透視感強的春夏新裝。同一般香港女性一樣忙到無時停的胡杏兒，想感受輕鬆，也是脫去戲服，換上一身輕飄飄新裝的時刻！
記者：葉雪芯
攝影：林栢鈞（Model）、梁細權（產品）
粉藍色薄紗上衣$710
白色連身針織長裙（售價待定）
藍色Lace-up凉鞋$1,890
白色閃珠片連身裙$1,940
藍色Lace-up凉鞋$1,890
白色薄紗裙$630
白色闊領背心$890
綠色色丁半截裙$480
閃片草織ClutchBag$680
白色闊領恤衫$560
墨綠色針織網裝衫$770
銀色Belt（售價待定）
黑色SkinnyJeans（Stylist'sOwn）
雪紡薄紗透心凉
本地薑tr囗shei05年打響招牌，雖然主打OL服裝，不過一點都不沉悶，放棄黑白灰，走歐洲CityTouch風格，有女性韻味的同時又很型格。而且可穿性極高，絕不會出現「睇得唔着得出街」的情況，難怪一直都有不少捧場客。今個春夏季，各大牌五光十色，四周充斥着大花大朵的FloralPrint，不過tr囗shei就依然我行我素，走簡約輕盈路線，着重布料和Details設計，剪裁亦不算花巧，只在領口及袖口位玩Cutting，不搞花哩碌。質料用上輕身透薄的柯根紗、雪紡和色丁做主打，在服裝上再套上一層薄紗的Layer配搭，望上去已經有飄逸透心凉的效果。用色方面，大量選用白、淺粉藍、粉黃、粉綠等粉色調，貫徹春夏系列強調的輕盈和透視感。
一定捧Karl爺場
同樣是香港繁忙女性的一分子，胡杏兒平時忙着拍劇，坦言即使着住花姿招展的戲服都沒有太大感覺，難得有機會不是拍戲，換上tr囗shei春夏季的輕盈新裝，心情輕鬆得對小記滔滔不絕地談論時裝：「平時拍劇，服裝都有專人安排，已經有一段日子對時裝提不起興趣，自從《我的野蠻奶奶》之後，因為套劇本身是講Fashion，所以重拾番對時裝的興趣，拍之前仲睇咗好多時裝雜誌，又同阿姐一齊交流襯衫心得，所以嗰一排即刻變咗時裝專家咁，返到屋企就打開衣櫃玩Mix&Match。」對於襯衫心得，杏兒話最着重外套：「即使裏面件Tee或恤衫唔靚，件外套靚就可以令整個Look變得好有型。」原來杏兒最鍾意的是古着，甚至特登去外國買二手衫：「今年新年同阿姐去咗NewYork登台，去之前上網做咗好耐Research，特登搵咗一間古着店，仲入咗好多靚衫！」講到今季最喜愛的品牌，除了tr囗shei外，杏兒最愛就是Chanel：「今季好特別，用了很多星星做圖案，好搶眼，好突出！而且KarlLagerfeld不嬲都是我好欣賞的設計師，一定捧佢場。」
配飾玩田園Feel
服裝系列玩輕紗飄逸Feel，手袋系列則以草織和藤織做藍本，營造出春天的田園氣息。值得留意的是鞋履方面，今季首次推出Lace-up帆船凉鞋，綁帶長短可自行調校，穿法變化更多，算是品牌今季的驚喜之作。
tr囗shei（25227782）
中環威靈頓街2-8號威靈頓廣場地下