鍾鎮濤（阿B）前晚尾場個唱，請來溫拿擔任嘉賓，五人同台掀起全晚高潮，又失控搞笑，阿B自嘲溫拿是維園阿伯，他們又忽然請了前經理人梁柏濤上台，嘲笑他像陳冠希一樣轉了行，又指他當年抽佣食水深，但現今新人更慘，被抽佣高達70、80%。
鍾鎮濤一連兩場「KennyBPremierLive08Concert」前晚在紅館順利演出完畢。第一晚上台時怯場的小B女鍾懿，前晚在阿B唱《一段情》時再上台獻花，又不停向觀眾揮手及獻飛吻，十分可愛，她以普通話說：「大家好，我是鍾懿，今年3歲，我爸爸是鍾鎮濤。」小B女精靈地唱出《一段情》中「hahahaha」的一句，博得全場掌聲，阿B滿足笑說：「每次見到佢，個人就開心晒。」
超時罰逾萬元
演唱會嘉賓除了組合EO2外，還有溫拿，他們掀起整晚高潮，本來只唱兩首歌，徇眾要求下唱了五首歌才離開，演唱會超時被罰五位數字。溫拿成員上台便失控說笑搞氣氛，譚詠麟（阿倫）取笑陳友是溫拿CEO，即CheapExecutiveOfficer，阿B笑謂：「外國有隊LinkinPark，我哋香港都有隊VictoriaPark，維園阿伯呀。」
阿倫要求紅館人員放寬防線，觀眾紛紛湧到台前跳舞，阿倫等人唱完兩首歌後落台，觀眾大叫encore，阿B問羅傑承說：「啲budget會唔會去晒碧咸度呢？超時怕唔怕罰錢呀，老闆？」羅傑承揮手示意繼續，溫拿再度上台，阿倫忽然請在台下的溫拿前經理人梁柏濤上台，溫拿五子便你一言我一語整蠱他，阿倫說：「呢位前經理人同陳冠希一樣轉咗行，佢𠵱家專醫奇難雜症，寫咗本《令你震驚的健康真相》。」
「冇衫着嗰啲」
梁柏濤謂：「我今日處男登台，我出咗兩本書，大家有冇睇？」阿B說：「係睇都睇我嗰本先啦。」阿倫謂：「我成日睇書，我睇《大勝》（馬經）呀！」阿倫又爆梁柏濤當年抽佣40%食水深，又謂：「佢都算有人情味，𠵱家嗰啲抽70、80%㗎。嗰啲係新人啫，無依無靠冇衫着嗰啲咋。」梁柏濤搶咪說：「我要講出真相！」說罷即被陳友推下台。
阿B在慶功宴上透露小女兒鍾懿在第一晚怯場，落台後覺得自己表現不好，激氣得幾乎哭，還搶着要再上台唱歌，十分搞笑。
採訪：胡比
攝影：陳俊強
