民主黨馬丁雖然喺教院風波期間，喺聆訊上代表教院前校長莫禮時向前教統局局長李國章逼供，但其實兩人私下幾老友，𠵱家仲有保持聯絡。對於鄭大班有意搵阿瑟王為佢個電台開咪，馬丁噚日就話非常贊成，因為阿瑟王講嘢向來幽默，睇番佢當日喺聆訊中嘅對答就略知一二啦。
馬丁仲同八方分享咗阿瑟王一個有關女人點解鍾意去教堂結婚嘅笑話。阿瑟王話，女人喺教堂結婚，有齊aisle、altar同hymn（教堂嘅走廊、聖壇同聖詩），讀起上嚟，就係好多女人夢想嘅"I'll alter him（我將改變他）"喎。真係英文差啲，都get唔到阿瑟王英式笑話嘅幽默。