陳曉東、關心妍和江若琳等昨日在奧海城出席「至尊紅白愛心音樂日」活動，最近多宗新聞令東東不想看報紙，他說：「其中一單係有個女仔俾前度男友用刀刺死，仲要斬埋個頭，真係好恐怖。」談到感情事，問東東與前度女友關係如何？他說：「我口碑都唔錯㗎，以前啲女友全部都可以做到朋友。」
「佢聰明識處理」
問東東可有擔心捲入淫照風波的舊愛張栢芝？有否與她聯絡？他謂：「唔知方唔方便，佢咁聰明識得點處理，唔使我擔心，但都會肉痛，我都好欣賞霆鋒喺呢個時候陪住太太。」
問東東能否接受將來太太曾拍情慾照？他坦言：「邊個都唔想接受，不過世事無常，如果係真正愛情，愛到底就無所不能。」談到他與緋聞女友裴唯瑩感情如何，東東即不作回應。此外，有傳導演葉念琛追求江若琳，江若琳謂彼此認識，但不覺對方追求自己。
採訪、攝影：胡比