目前仍身在東京，感覺仍然新鮮；有朋友話嚟到日本，一定要睇廣告，事關大部份由當紅女優任代言人，而且製作出色；原來佢講啱咗一半，體育明星都有唔少廣告，本土球星中村俊輔、稻本潤一嘅汽車廣告，固然少不了，連活士、亨利同埋費達拿3大型男嘅鬚刨廣告，我都係首次喺東京睇到。
幸好下榻酒店可欣賞到AC對阿仙奴嘅重播，知道愛隊如何喺聖西路做出不可能嘅任務；賽後睇到唔少討論區，都批評柏圖初段連失多個入球機會，給予阿仙奴贏波機會；但年輕球員就有呢個通病，唔通佢哋想登陸意甲兩個幾月嘅柏圖，立即有卡卡嘅能耐咩？
阿仙奴嘅勝利，令我想起利物浦之前擊敗國米，都係賽前態沉，結果打出翻身仗；利物浦贏完國米，之後直落贏多3場，阿仙奴一樣可以追。
主客和：阿仙奴勝
心得：利物浦都4連勝啦！
近5場往績：贏輸贏贏輸
牽牛
施丹退休，頓感失落，期待阿仙奴的法比加斯他朝有此神乎其技。