鄭希怡（Yumiko）與郭品超前晚在蘭桂坊拍外景，今次他們是為了馬來西亞某品牌的服裝拍照，在拍攝期間Yumiko大讚郭品超好人，又掏腰包請食糖水，實行冧爆郭品超。Yumiko說：「我同郭品超係第二次合作，佢生得高大又靚仔，好少男仔嘅高度可以襯我着咗高踭鞋，不過如果增吓肥仲好，其實佢隻手臂有肌肉，我首新歌MV好想搵佢做男主角。」
郭品超來港只逗留三天，他得知被Yumiko盛讚，也即時向女方送高帽說：「我對Yumiko嘅印象好好，佢好多笑容，佢仲送咗張新專輯畀我，如果佢請我做MV男主角一定會做，有親熱鏡頭都唔怕。」此外，他們拍攝時剛巧遇上李嘉欣與家姐路過。
採訪：楊潔雯
攝影：陳偉權