由細到大都聽住佢個名嘅「希希」，長期無嘢做，只係做富豪嘅契女、徒弟，但希希唔係最靚或者好身材，點解咁受歡迎？原來佢有招撒手鐧，就係擅長在貴場飯局巡場，博啲唔識嘅富豪有錢佬睇到，點吓相。話說有位公關阿太喺專賣鮑魚嘅名人飯店食飯，發現VIP房坐咗成班內地大腕喺度開餐，轉頭就見到希希喺VIP房行出嚟，佢着住四吋高跟鞋同超窄牛仔褲，似乎係去洗手間，但阿太見佢唔係直接行去，而喺間飯店兜咗成半個圈咁滯，望到成個場啲麻甩有錢佬眼甘甘。阿太坐唔夠半個鐘，又見希希由VIP房行出嚟，叫拎毛巾之類，如是者，一餐飯出巡咗幾個圈，阿太都忍唔住話，以為佢行騷㖭。
Textby關仁