鍾鎮濤（阿B）舉行的兩場紅館演唱會，首場昨晚開鑼，化身煲呔B的他更自彈自唱，表現自信十足。阿B在台上表示已有5年未曾在紅館開騷，上次開騷他剛向法庭申請破產，故他有感而發，形容「嗰時喊住唱，𠵱家笑住唱」，博得全場掌聲支持。
鍾鎮濤一連兩場的「KennyBPremeiLive08演唱會」昨晚假紅館開騷，阿B先於下午6時許，偕同唱片公司老闆羅傑承夫婦和表演嘉賓EO2等，往場館後台舉行切燒豬拜神儀式。其間斬燒豬師傅本來將燒肉拿給阿B享用，由於阿B開騷前要養聲，故借花敬佛，將燒肉遞給女友范姜，冧得她滿面笑容。
「收買掌聲歡呼聲」
昨晚阿B共獻唱52首歌曲，又會兩度演唱《讓一切隨風》作序幕及謝幕。演唱會於晚上8時35分開始，阿B身穿西裝及打煲呔、戴上黑帽子，三面台設計簡約，放有一座不規則雕塑，他在一片激光燈光映照下連唱幾首歌，更抱着結他獻唱《香腸蚊帳機關槍》。阿B在台上說：「上次開演唱會係五年前，同𠵱家分別大，嗰時係喊住唱，𠵱家笑住唱，好多謝你哋支持！」五年前阿B在紅館開個唱適逢向法庭申請破產，如今阿B無債一身輕，難怪他不停指觀眾是其精神食糧，更多謝觀眾不看Santana演唱會而捧他場。
阿B續說：「今晚我做埋收買佬，收買你哋嘅掌聲、歡呼聲，無論坐喺山頂、山腰同山腳。我知道財爺今年減75％嘅稅，希望今晚你哋攞百分百滿足走。」台下觀眾不斷報以掌聲支持，而昨晚座上客有草蜢、佘詩曼、謝賢與女友和周麗淇等。
阿B在個唱中又分別獻唱四大天王的首本名曲，有劉德華《一起走過的日子》、郭富城《對你愛不完》、張學友《吻別》和黎明《OH！夜》，表演嘉賓有譚詠麟和EO2，前者主唱《愛情陷阱》，今晚嘉賓則是溫拿樂隊。
採訪：張俊銘
攝影：陳順禎
