荷李活男星湯告魯斯（TomCruise），自從兩年前與姬蒂荷姆絲（KatieHolmes）結婚後，經常在人前大晒恩愛，予人一副好好先生形象。但日前這位靚佬被拍到與一名金髮女子在街上調情，二人不但公然親吻，最令人驚訝是靚佬湯當時竟然帶同養子ConnorAntony在場，其私生活實在叫人匪夷所思。
現年45歲的湯告魯斯，經常被指鏡頭前後兩副面孔，儘管他兩年前已跟姬蒂荷姆絲誕下女兒Suri及正式結婚，但仍不時被拍到與其他女性親密約會，例如06年尾他就被拍到密會一名金髮女郎，雙雙欣賞養子ConnorAntony的足球比賽。至上月靚佬湯又摟着一名黑髮女子於洛杉磯一間醫院出現，惟每次他也沒有對外解釋女方身份，令人懷疑他與姬蒂的婚姻關係是否如外表般圓滿。
依依不捨蹺實膊
最近靚佬湯又再給狗仔隊撞着，上周四他被拍到與一名金髮女郎在街上調情。從照片所見，該名女子年約30來歲，樣子雖不算標致，但打扮入時，她身穿藍色緊身上衣及短裙，且身材高䠷，正是靚佬湯一向喜歡的類型。當日靚佬湯帶同13歲的養子Connor與這名神秘女子約會，三人在餐廳用膳後一起離開。
然而剛步出街上，該名女子即表現得依依不捨，雙手蹺在靚佬湯的膊頭上，之後她更索性拉靚佬湯入花糟的暗角位來個情深一吻，從如此舉動看來，二人絕非普通朋友關係。
想再添丁證深愛
靚佬湯的養子Connor在旁見狀表現得十分驚愕，一直在遠距離看着爸爸「偷食」，表現非常尷尬。至於靚佬湯則全程講着電話，未知是否邊享艷福邊向姬蒂報到。
難為姬蒂日前接受《InStyle》雜誌訪問時，就表示過想為靚佬湯再添丁，她說︰「我們不想太急進，但我每天都想令他知道我有多愛他。」相信姬蒂見到這輯相片時，可能會改變主意。
哈利仔有嘢噏
靚佬湯嘅人氣已經大不如前，如果已為人夫嘅佢仲咁唔自愛當街啜女當閒事，因住事業家庭都雙雙仆直收場！
蘋果娛樂特派評述員哈利仔