陳冠希淫照事件，有雜誌指有兩名女藝人牽連其中，舒淇昨日表示知道其中一名剪影女星是影射自己，還揚言有意效法蔡加怡發聲明以證清白，又謂公司正在處理法律事宜，應該會採取法律行動。
患了感冒的舒淇昨日在又一城出席Swarovski水晶展覽，戴着全球獨一無二的水晶頸鏈，又獲送贈水晶雀鳥擺設。
談到陳冠希淫照事件，有雜誌指有兩名女藝人涉及其中，其中一個剪影女星跟舒淇相似，她聞言即說：「直情話緊我啦！」內文形容該女星是「世界上最美麗的女人」，舒淇對此說：「所以我都唔知要發爛渣，唔知好嬲定係好笑。公司整緊法律上嘅嘢，應該會採取法律行動。」問她會效法蔡加怡登報聲明，還是像蔡依林般以一億新台幣緝相？她說：「會效法發聲明。」
舒淇所屬的寰亞娛樂發言人昨晚表示，目前已就此事與律師研究當中，會保留一切法律追究權利。
及後舒淇談到台灣新居，她說：「我喺台灣嘅新屋入咗伙，要做housewarming。」她透露新屋約2,000呎，與媽咪同住，她說：「買嗰時唔貴，𠵱家升值咗好多，我都想買間大啲嘅。我喺香港都有屋，𠵱家最想喺德國買，因為之前去柏林影展，覺得嗰度係好平靜嘅國家。」香港也給比下去？舒淇說：「香港乜嘢都有，但對藝人嚟講冇乜私隱。」
台泰港置業
談到任達華在全球各地皆有物業，問舒淇可想效法？她說：「我都想，𠵱家我喺香港有一間，泰國有一間好細嘅屋仔，同埋台灣嘅新屋。本來想買上海嘅徐家滙，但樓價升得太高，100萬樓變咗200萬，啲錢又俾股票責住。」此外，同場還有名模熊黛林、陳沛嘉和姚書軼等演繹水晶佩飾。
採訪：梁錦雯
攝影：仇志德
