名牌DiorHomme前晚於半島酒店，舉行2008春夏男裝發佈會及派對，介紹DiorHomme藝術總監KrisVanAssche設計的「NewDiorHomme」系列，男模特兒穿上新裝，如假人公仔般在台上站立，幾分鐘轉變甫士一次，充滿藝術感及新意。
活動吸引了大批名人捧場，如萬寶寶、何超瓊、鄧永鏘女兒鄧愛嘉、黃偉文、余文樂和欣宜的外籍男友等，又贊助了新片《神槍手》多位男星，包括任賢齊和黃曉明等穿上DiorHomme看騷。
余文樂揚言自己身形偏瘦，容易買衫，問他是否愛好名牌？他竟然倒米說：「以前會花多啲，𠵱家戒咗呢鋪癮，買衫慾望越嚟越低，因為個人大咗，唔想花喺啲衫度，反而想買樓。」他又自爆銀行每月只得幾萬元存款，他說：「啲錢畀晒屋企，哥哥幫我投資，阿媽就每個月頭出糧畀我，因為我以前亂使錢，𠵱家阿媽幫我睇住，畀幾多錢就睇阿媽心情，有時佢去旅行仲會唔記得畀㖭。」
萬寶寶擇偶揀熟男
萬寶寶以一貫的性感打扮示人，她自爆珠寶生意快將回本，豈非無暇拍拖？她說：「追求者很多，但沒有適合我的，我現在要求跟以前不一樣，以前只要樣子好看，現在要成熟和對我好。」
採訪：JessicaNgan 攝影：ChenWaiOn
