無綫新劇《溏心風暴之家好月圓》的演員，昨日齊齊出席開鏡拜神儀式，劇中演員眾多，老嫩大鬥戲法，李司棋（大契）開工幾天就與飾演她奶奶的李香琴交手，被兜巴掌摑及辱罵。
無綫劇集《溏心風暴之家好月圓》已展開拍攝，演員昨日齊集將軍澳電視廣播城舉行開鏡拜神儀式，包括有李司棋、關菊英、夏雨、李香琴、陳豪、林峯、鍾嘉欣等，為配合劇集的整餅題材，無綫特別安排演員切燒豬及巨型月餅團圓。
「唔捨得打落去」
關菊英和李香琴在劇中均會經常發火鬧人，所以短短開廠幾日已經感到喉嚨不適，琴姐說：「第一日開工就要鬧司棋，第二日就要用力兜巴摑佢，拍嗰陣都NG，我唔捨得打落去，因為同司棋第一次合作，反而佢就叫我用力打落去，我始終都驚驚哋。」司棋姐除了要遭打及辱罵外，又要拍攝跑步戲，對她而言有難度。
陳豪坦言今次與前輩合作很快適應，並稱讚說：「今時今日，前輩啲戲先好睇。」陳豪又坦承獲夏雨指點教路，他說：「幾位前輩都成日教我戲，夏雨會合埋眼聽我講對白感應，唔得佢會直接話我冇感情，直至做到為止，喺佢身上學到乜嘢叫自然，乜嘢叫做戲，呢啲先係真正老戲骨。」陳豪還自稱在劇中是萬人迷，有不少艷福。
林峯和鍾嘉欣再次傳出緋聞，被指兩人共享一份三文治，林峯笑言：「減肥嘛，咪一人一半囉。」
當林峯男朋友
至於會否與嘉欣戲假情真，林峯說：「我拍戲時好投入，而且同嘉欣都有默契。」鍾嘉欣說：「因為好味咪大家一齊食份三文治，我有好嘢都會預佢。」對於再傳緋聞，她則謂：「好自然，因為第一輯反應太好，無可避免會傳，同林峯今次合作默契、交流多咗，拍時都真係會當對方係男朋友。」
採訪：卓寶花
攝影：陳慧安
