動漫Maggie晒胸誘拍友<br>張文慈冇碇企

動漫Maggie晒胸誘拍友
張文慈冇碇企

李曼筠(動漫Maggie)前晚出席亞視的十大廣告頒獎禮記者會,由於在商場舉行,故一身低胸裝扮的她,甚受沙龍拍友的歡迎,被大量拍友重重包圍,且越行越埋,實行近距離接觸,令在場打扮密實的張文慈遭受冷落。

由亞視主辦的「第十四屆十大電視廣告頒獎禮」,前晚於海運大廈舉行記者會,是次出席的嘉賓有動漫Maggie、張文慈、呂晶晶、戚黛黛及陳啓泰等,大會公佈有關詳情,一身超低胸打扮的動漫Maggie,出場即時吸引不少沙龍拍友。

越影越近冇膽怯

但現場所見大部份拍友均是男士,雖然被人重重包圍拍照,出身自模特兒的她見慣大場面,並無半點膽怯,可是拍友卻得寸進尺,越行越近,有些拍友的鏡頭並非對住她的樣子,而是對準她的身材來影相,亞視工作人員也恐防有意外發生,故藉口她要接受記者訪問而把她拉走。
事後問動漫Maggie可有擔心被太多人包圍?她說:「我做足安全措施,唔會走光,所以冇擔心。」她又表示,今次為亞視演出未知是做司儀還是做嘉賓,一切是公司決定。

年尾出碟學國語

動漫Maggie又說:「年尾會出新碟,我有留意𠵱家嘅新晉歌手,覺得大家表現都好好,遲啲仲會努力學國語,希望對工作有幫助。」
此外,身為前輩的張文慈因為打扮密實,敗在動漫Maggie手上,她笑說:「我只係嚟撐亞視場,冇乜所謂,我幫呢個頒獎禮做司儀,呢排拍緊劇集,戲中做人媽咪。」講到私下她何時才做媽咪?她說:「唔一定結婚先至可以生仔,一切隨緣,唔使咁勉強。」
採訪、攝影:張俊銘

密實的張文慈被性感的動漫Maggie搶盡鏡,只有一笑置之。