近日有女童疑因流感併發症死亡，令幼兒嘅家長人人自危，藍鑽石同太太自然無例外。講真，做咗人老竇之後，我堅信「天下無不是的父母」，所以亦相信無論「楚香帥」為人係點，應該都係真心錫個女。
講到父母，終於聽到AC米蘭個「老竇」貝盧斯科尼話要大換血，AC躉等佢呢番話等到頸都長埋，希望佢唔係開空頭支票啦。轉過頭，噚日又聽到馬甸尼考慮改變退休嘅決定，雖然我敬重佢，但都希望佢見好就收。馬仔，係時候收手啦。所謂物極必反，AC專攻聯賽，周日作客贏硬安玻里。
主客和：AC米蘭勝
心得：睇形勢，冇主觀成份
近5場往績：輸贏輸贏贏
藍鑽石
忙於為與簡拿華路同日生的囡囡換片、掃風，但睇意甲，一場都不能少。