日本女歌手倖田來未因為曾經講過一句「35歲嘅女人羊水會發臭」而引起咗軒然大波，因而停工一個多月，佢早前接受訪時曾經聲淚俱下道歉。日前喺佢寄畀歌迷會嘅會報中，親筆撰文再次為自己輕率嘅言論道歉，又表示收到好多歌迷鼓勵嘅信，令佢感到既感謝又內疚。另外，雖然倖田早前曾向女星和田秋子透露想押後個唱，但由於已經賣晒飛，所以佢會落實喺下月12日舉行嘅巡迴演唱會上正式復工。