承受着喪母之痛的鄭欣宜，周日出席在紅館舉行的肥姐沈殿霞追思會時，面對鄧光榮在台上痛斥其父鄭少秋，頓成磨心的欣宜陪同父親上台時以簡短幾句話拉回出席者的追思焦點，表現大方，贏得全場掌聲。
中英文流利加分
做慣大騷司儀的鄧梓峰昨日說：「我覺得欣宜當日表現好到不得了，我好佩服佢咁淡定同講嘢咁得體，唔止上台一剎那佢有好笑容，我留意到佢就連其他時候都保持應有嘅尊嚴，絕對有條件喺司儀界發展。」
薛家燕則指當日情況非常突然，必須要鎮定應變，她昨日在電話中說：「欣宜處理得好得體，化解咗啲是是非非，佢表現攞好高分，大家都對佢刮目相看，香港司儀人才唔多，加上欣宜中英文都流利，普通話又講得好，相信佢會係另類出色司儀。」
至於曾志偉當日已對欣宜讚不絕口，他昨日在電話中說：「佢表現成熟，verygood，好適合做司儀。」
丘凱敏昨日則說：「我以前都同欣宜合作過，一向都覺得佢思路好清晰，尤其當日追思會，佢最需要人安慰，但反而能夠控制到情緒安慰番人，相信佢好有做司儀才華。」
採訪：比華利