肥姐沈殿霞的愛女鄭欣宜，日前在亡母的追思會上為被鄧光榮狂轟的父親鄭少秋解圍，表現大方得體又穩重，不但贏得全港觀眾喝采，對她印象改觀，而且她臨危不亂的態度和執生技巧，更令無綫高層大為讚賞，據悉無綫有意為欣宜度身訂做一個節目，安排她往大騷司儀及節目主持方向發展，實行栽培她繼承金牌司儀肥姐的衣鉢。
日前在肥姐沈殿霞的追思會上，鄧光榮忽然炮轟其前夫鄭少秋未盡照顧女兒鄭欣宜的責任，令追思會變成公審大會，場面極度尷尬，幸好欣宜即場為父親解窘打圓場說：「今日我哋辦呢個追思會係為咗紀念媽咪，我哋不如唔好俾咁多是非影響到我哋懷念媽咪。」表現成熟得體，不但博得全場掌聲，而且她臨危不亂的執生技巧，更令無綫高層讚嘆不已，認為欣宜有潛質往司儀路線發展，繼承金牌司儀肥姐的衣鉢。
唱主題曲
識三種語言佔優勢
儘管欣宜昔日經常成為網民惡搞對象，但隨着她在肥姐去世後的堅強表現，及在追思會上成熟得體的處事方式，令觀眾和網民對她印象也大大改觀，由當日喝倒采變成欣賞和支持；加上欣宜本身講得一口流利英語、普通話及廣東話，具備司儀的先決條件，故無綫打算為欣宜度身訂做一個節目，讓她除了唱歌之外，還可以嘗試在司儀界發展。
據悉，無綫除有意邀請欣宜擔任節目主持外，更會邀欣宜為黎姿、蔡少芬和陳豪等人主演的80集重頭劇《珠光寶氣》唱片尾曲，以及為徐子珊和馬國明主演的新劇《甜言蜜語》唱主題曲；而自從追思會後，欣宜正面形象贏盡觀眾好感，不少商戶紛紛透過無綫找欣宜工作及出席宣傳活動，看來欣宜在娛樂圈不愁沒有出路。
記者昨日致電無綫製作資源部總監樂易玲，問到近日是否有很多人找欣宜工作，及無綫是否有意讓欣宜擔任節目主持時，她說：「係有好多人想聯絡欣宜。肥姐係我哋好尊敬嘅前輩藝人，作為欣宜嘅世叔伯、auntie同肥姐嘅同事，我哋當然會盡能力幫助欣宜畀機會佢。」
高層大讚
「表現好淡定好鎮定」
樂易玲續說：「TVB有好多節目，但我哋目前乜嘢都未傾，要等欣宜安頓晒所有嘢之後，我哋會約佢同埋劉家昌老師坐低傾傾，一切視乎欣宜意願。不過《珠光寶氣》片尾曲同《甜言蜜語》主題曲，我哋已經落實係由欣宜主唱，兩首歌一早寫好，但未錄音。」
是否因欣宜在追思會上的成熟表現，而覺得她是司儀人才？樂易玲說：「我哋同佢成日有接觸，外界話睇到追思會覺得佢長大咗，但其實欣宜喺肥姐生病嘅日子，已經能夠應付好多事情，已經長大咗。欣宜雖然未做過主持或者司儀工作，但肥姐追思會當日佢表現好淡定、好鎮定，肥姐係司儀界一位不可多得嘅表表者，相信欣宜亦得到肥姐嘅遺傳，只要多加鍛煉，將來都可以喺呢方面發展。」
採訪：林妃
話你知：天賦演藝DNA
鄭欣宜遺傳了父母鄭少秋和沈殿霞的演藝細胞，自小已展現其表演天份，雖然經歷被網友「圍剿」的低潮，但憑其不屈不撓精神，終贏得廣大市民認同。
一網打盡：網友齊轉軚
欣宜05年因扮演白雪公主而一度成為網民公敵，不過日前她在亡母追思會上的大體表現，卻徹底令網民改觀。
bailee（Uwants討論區）：不如做主持啦，佢在追思會的表現幾大體呀。
被ban的無辜者（香港討論區）：如果佢做司儀，好似媽媽咁，得閒拍吓戲，唱吓歌咁，有咩紅唔紅啫，點解唔畀機會佢？
石像女神（Uwants討論區）：我一定會支持佢，同埋我感受到母愛嘅偉大，欣宜已經好叻，表現得好堅強。
落雨露（高登討論區）：老老實實，自從上次悼念活動之後，我對呢個女仔完全改觀。
取代天真嬌成小童偶像
早年被雜誌偷拍後哭着稱自己是小朋友偶像的鍾欣桐（阿嬌），自淫照風暴後因一句「好天真好儍」，被大批家長在親子討論區群起圍攻，近日有網友在香港討論區發起「現今樂壇邊個最適合做『小朋友嘅偶像』」討論，吸引逾15,000名網民瀏覽，入圍者包括欣宜、兒童節目長青主持譚玉瑛及兒歌天后李紫昕，至於天真嬌則成網民諷刺對象，指她天真又勇敢，是小朋友的「好榜樣」。
阿嬌的緋聞男友麥浚龍（Juno）因早前痛斥拍淫照者是渣滓中的渣滓，又在阿嬌危難中伸出援手，結果也榜上有名，Blackduck說：「Juno啦，正義感強！」近日喪母的鄭欣宜則因堅毅及孝順形象，令網民刮目相看，gcoverage說：「欣宜……幾好呀……她有不屈不撓的精神！」其他入圍明星還包括陳慧琳、劉德華、古巨基、薛家燕、王菀之及張敬軒等。
香港討論區網址：
http://www8.discuss.com.hk/viewthread.php?tid=6435318&extra=&highlight=%A4p%AAB%A4%CD&page=9
