以前有啲男藝人同志鍾意蒲健身院，原因係想借健身昅吓啲大隻佬，睇佢哋一身肌肉，流晒汗玩健身都係一種樂趣，不過時代變遷，𠵱家圈中男同志已經轉蒲瑜伽學校，睇吓男士們陰柔騷肌嘅一面。「Ｖ仔」呢期就迷上瑜伽，成日去瑜伽學校，雖然佢唔係天王巨星，但喺公仔箱都薄有知名度嘅佢，次次出現都引來唔少練瑜伽嘅人士指指點點㗎。
高竇唔睬女仔
鏡頭前嘅Ｖ仔非常親民友善，鏡頭後就睇人而定啦，好似佢去瑜伽學校時，有啲女學生見佢出現，都會主動叫吓佢，但Ｖ仔相當高竇，態度冷淡，反而一有男學生同佢打招呼，佢就即刻撲埋人哋度傾偈，仲撩人哋一齊玩，搞到啲女學生好冇癮。Ｖ仔黐男唔黐女，仲要黐到出晒面，又難怪招惹閒言喎。
Textby關仁
