蘇玉華、高皓正前晚在香港文化中心綵排舞台劇《改造情人》，該劇改編自美國一部舞台劇，題材甚具挑戰性及意識大膽，對白大部份是粗口，蘇玉華說：「呢次係我做戲以嚟最大膽嘅一次，對白有少少提到性器官，如果拍成電影嘅話，應該係屬於三級片類別，不過舞台劇冇分幾多級，呢次對我嚟講係一大挑戰，因為平時我好斯文，唔多講粗口，呢次真係講晒我一世都唔會講咁多嘅粗口。」
唔敢請父親捧場
除了粗口滿場飛之外，也會有意識大膽的床上戲，蘇玉華更有性感演出，她笑說：「我唔敢請屋企人嚟捧場，因為爸爸係做中文教師，佢好嚴格，我費事嚇親佢哋，不過家姐就會嚟。」在蘇玉華身旁的高皓正也插嘴表示當他聽見蘇玉華與其他演員綵排對稿時，有些對白他聽了也覺得不好意思，再加上動作配合，意識的確十分大膽。
採訪、攝影：何永寧