以日本漫畫為藍本的電影《軍鷄》已上映，主角余文樂和劉心悠拍攝時分別面對不同挑戰。樂仔的打鬥戲份由十日暴增一倍，而飾演妓女的劉心悠更要苦學tabledance和吸煙，令兩人大嘆苦不堪言。
電影《軍鷄》已經上映，余文樂早前為該片漂白染金頭髮和眼眉演出，他飾演的男主角以暴易暴求生存，大量打鬥場面令雖是運動健將的他也大呼吃不消。
樂仔日前說：「最難係對體能嘅負擔，因為原定拍十日嘅擂台戲多咗一倍，拍到後來差啲支持唔到。」
首日開工即扭傷
樂仔續說：「其實古仔講我初期係學生，但係殺咗父母之後要坐監，出嚟社會之後冇人接受，後來覺得打拳贏咗先會受人尊重就不斷打。呢兩個階段係好大轉變，拍咁耐戲都冇試過。」
飾演妓女的劉心悠第一日開工就不幸扭傷，她為演好角色更要學吸煙和tabledance，她說：「其實我好唔鍾意呢個女仔（角色），要演好真係好難，但係有好大空間。好似要學跳好sexy嘅舞同埋食煙，仲有鬈髮再加埋化妝就對個造型幫助好大。」
不甘心未獲認同
但最難受的原來是導演要求劉心悠以國語念對白，她說：「開頭真係有少少hurt，覺得自己未俾人approve（認同），不過再諗番都係好事，始終咁大個project唔可以冒險，唔可以因為自己有少少唔甘心而堅持。」
採訪、攝影：藍文浩
髮型：Ben（余文樂）、MarcoofIlColpo（劉心悠）
化妝：JennyTziong（余文樂）、AnnieG.Chan（劉心悠）服裝：I.T