余文樂和陳冠希（Edison）當年因爭鍾欣桐而發生過撞膊事件，Edison近日因為淫照事件避走海外，有指片商原屬意他主演《軍雞》，但因有一場雞姦戲，他狂加片酬，最後益了余文樂。余文樂前晚在首映也狂寸Edison市儈：「唔可以咁樣逐樣計，收實嗰個就係嗰個數。」
余文樂、劉心悠和吳鎮宇主演的新片《軍雞》前晚在圓方舉行首映，除了有份主演的演員撐場外，薛凱琪（Fiona）、吳彥祖、鈴木仁、賈曉晨和Freeze等都有往欣賞。
抗拒兩男接吻
有報道指《軍》片原屬意陳冠希主演，但因為一場雞姦戲，Edison開價180萬片酬，令片商卻步，最後起用余文樂代替。余文樂說：「開戲前知有呢場戲，片酬方面我加咗少少，係合理價，人哋嘅嘢我唔講，一講就有是非。」可覺Edison獅子開大口？余文樂揶揄：「唔可以咁樣逐樣計，收實嗰個就係嗰個數。」他可覺自己抵用？余文樂說：「我從來唔同人爭，電影公司啱咪搵我，今次加幅合理調整，唔關雞姦戲事，我冇乜要加，一係直情唔接，咁樣唔係好啱，好巿儈。」余文樂表示自己暫時接受不到拍攝《春光乍洩》類型的戲份，他說：「我接受唔到男人同男人接吻，如果將來王家衛搵我拍戲，我會問佢原因。」
有指余文樂也不接拍新片《武俠梁祝》，莫非是怕給鍾欣桐（阿嬌）拖累，但她的角色被傳將由人氣女模AngelaBaby取代，他解釋：「唔係對手問題，係時間問題。」
劉心悠怕走光
電影公司安排了演員放紙炮，吳鎮宇和劉心悠的都放不了，不約而同找余文樂幫手，結果只能成功為劉心悠弄好，吳鎮宇即抵死的說：「幫女仔就啪啪聲，幫男人就唔得。」余文樂也幽默回答：「對住男人，梗係唔會啪啪聲。」至於穿上tubedress的劉心悠，不時整理裙子防移位和走光，她說：「性感我唔係好自在。」
採訪：何永寧
攝影：陳順禎
娛樂資料庫：爭阿嬌傷感情
早於2002年，便傳出陳冠希（Edison）和余文樂不咬弦，事緣有指樂仔因拍攝《一碌蔗》而與拍檔鍾欣桐（阿嬌）撻着，其時Edison正跟阿嬌傳緋聞，故二人同時追求阿嬌的傳言甚囂塵上。同年9月，Edison公開表示與樂仔「唔熟」，至03年1月，Edison與樂仔不和升級，當時兩人出席《勁歌金曲頒獎禮》，在後台發生碰撞及爆粗互罵事件，其間更有指樂仔離場時舉起中指叫罵，要與Edison「隻揪」。
