方力申和鄧麗欣（Stephy）在新片《我的最愛》中原來有性冇愛，前晚小方談到片中他與Stephy關係時，竟借意揶揄淫照男主角陳冠希說：「好似𠵱家時下年輕人咁，唔係情侶都有親熱。」
方力申、鄧麗欣、楊愛瑾（Miki）、吳京和唐寧等，前晚一起到紅磡出席新片《我的最愛》的慰勞宴，Stephy表示片中她與小方有不少非常激烈親熱戲份，估計是過激關係，所以部份鏡頭上映前被刪剪。早前Stephy就捲入陳冠希淫照事件及被屈牽涉入一宗風化案而透過律師發聲明以證清白，對此Stephy說：「呢件事其實慢慢淡化，我覺得發展到制止唔到嘅地步，所以要發聲明，登報後發現網友檢點咗。」
寸阿嬌後收口
與Stephy傳不和的傅穎（Theresa），日前為證清白，竟揚言若有自己淫照，甘願與提供照片者合影一輯，對此Stephy似在批評Theresa行為過激說：「我梗係唔會咁樣嚟澄清自己，因為我已經發聲明，亦唔想引起人哋聯想同遐想。」而之前Stephy因形容自己角色好天真好儍而被指寸鍾欣桐（阿嬌），Stephy表示會盡量避忌，改用其他形容詞。
小方形容今次演一個衰到貼地的角色，不但經常發脾氣鬧人，而且與Stephy雖有激烈親熱戲，但二人卻不是情侶，小方說：「好似𠵱家時下年輕人咁，唔係情侶都有親熱。」小方所指，擺明暗寸陳冠希與淫照女主角有性冇愛。
小方表示，他與Stephy拍親熱戲前，會事先向對方講明所有步驟：「我話畀佢聽，會錫佢左邊去到右邊，壓佢落梳化，然後碌落地。我都想畀佢知我點做，畀對手有安全感同信心，不過佢知我唔會借醉行兇。」
Miki任人摸偷喊
此外，Miki又表示片中跟另一男演員胡清藍有親熱戲，被對方摸胸摸勻全身，而自己則要撫摸對方重要部位，Miki說：「幾三級，我預先有喺胸加墊，但都幾唔放心。拍之前我喊過幾次，係咪要拍呢啲戲？拍完好尷尬，拍呢場戲前我唔敢同演員互望，有罪疚感，未試過同唔係男朋友嘅人做呢啲，因為激嘅程度，我唔敢睇番，唔敢同阿媽講。」問她有否跟男友講時，Miki表示現時沒有男友，縱使有的話，也未必敢跟他說。
採訪：張俊銘 攝影：陳俊強
