新車出閘：極惡ISF　突襲香港

新車出閘：極惡ISF　突襲香港

喺去年東京車展搞到班車迷㷫烚烚，兼喺日本同最新NissanGT-R鬥個你死我活嘅全新LexusISF，日前竟然有一部左軚DemoCar嚟咗香港！ISF可以話係現今Lexus車系中最惡嘅一部，因為佢唔只保留原來IS車系嘅流線造型，仲加咗全車包圍、四出式尾喉同埋19吋跑車胎軨，齋睇個Look已經知佢係部辣跑。車廂入面有專用真皮桶座，而錶板指針仲係專用嘅藍色㖭！不過，最吸引就梗係車頭嗰台5.0V8偈，馬力輸出有成423匹，加埋最新8前速SportDirectShift半自動波，揸起上嚟特別好玩。售價則約為1百萬元。

記者、攝影：鄭達基
查詢：皇冠汽車（25119430）

■車尾泵把旁有四出式尾喉，聲靚兼令引擎呼吸順暢。

■唔只波箱係最新嘅8前速半自動設計，軚盤後方仲加有轉檔撥片。

■前座係專用嘅真皮桶椅，高速掟彎都可以坐定定。