大氣電波有限、網絡世界又太淫蕩、連創意產業都玩黑話，「夥計！同我拉晒佢哋返差館！」署長這句仲未講，敏感一族早已察覺勢色唔對，尤其藝術家已經發晒爛渣，唔想坐以待斃，一於來個先發制人，拿出大量「翻版違禁品」，左一句「創造性活動」，右一句「豐富能量」，還用「斷估唔拉」詐儍扮懵，骨子裏又係唔係挑戰官威？「Para/Site藝術空間──香港賽馬會策展工作計劃」的兩位首屆策展學生張芷茵、劉建華，乘7個月的課程就快玩完，竟來個盡地一煲，怕你唔拉？這回可能真係玩到好大，大到要用上有過萬呎展場的「奧沙．觀塘」，半個場都唔細喇！佢哋話這叫「上有政策、下有對策」，擺出對抗姿態目的是為了擺問題上枱，又何妨大吵大鬧，就唔信你會拉佢咁話！
記者：馮敏兒
江記江康泉漫畫《2020香港危機──Pandaman》。
翻版碟？顛覆論？亂七八糟一大籮，睇都睇唔明，點拉你呀！
「斷估唔拉」
查詢：25174620
日期：3月15日至4月13日
座談會：3月15日（3:00pm）
地點：觀塘鴻圖道73號建大工業大廈5樓「奧沙．觀塘」