電影《江山美人》昨日在北京舉行首映，事前主角陳慧琳（Kelly）及黎明一起出席發佈會，兩人都說能夠跟導演程小東合作，可說是得償所願，程小東也盛讚兩位演員非常專業。
射箭手都軟
黎明及陳慧琳表示拍得最辛苦的戲份，是在樹屋聯手抗敵的場面，Kelly說：「樹屋抗敵場戲係夜景，我用嘅弓同我嘅高度一樣，執起手非常吃力，仲要拉弓射出。呢場戲拍黎明嘅戲份後，足足兩個星期都係我一個人拍，程導演就晚晚叫我射箭，簡直射到手軟！」
黎明今次是首次跟陳慧琳合作，Kelly大爆黎明的日常小知識非常豐富，Kelly說：「因為喺40度高溫下穿盔甲拍攝，所以拍戲好容易滿頭大汗。工作人員都為我哋着想，為防止中暑，一拍完一個鏡頭會幫我哋除下盔甲，拉住冷氣機畀我哋吹冷風，黎明就知道咁樣一熱一冷仲易病，所以叫我盡量吹風扇。」
撰文：林妃