方力申和鄧麗欣（Stephy）拍攝由葉念琛執導的三套電影，其間緋聞傳個不停，由葉念琛暗戀Stephy，到刪減情敵小方的戲份，是非逐年升級。當《我的最愛》快將上畫，導演表示這會是三套戲的壓軸篇的同時，是跟Stephy的關係畫上句號？被問到會否覺得小方跟Stephy是很登對的螢幕情侶時，他認為二人有默契，觀眾愛看。葉導演會否是其中一位觀眾呢？
由葉念琛執導的電影《獨家試愛》、《十分愛》、《我的最愛》，一年一套由方力申和鄧麗欣主演的電影。電影上映時，三角錯的緋聞總不絕於耳，甚至《十》上映時，有傳導演把情敵小方的戲份刪減。將會上映的《我的最愛》，葉念琛稱為這三套戲的壓軸篇，無獨有偶，葉念琛暗戀Stephy的緋聞也告一段落，最近傳他轉移視線喜歡江若琳。
方力申愛情騙子
日前，葉念琛於其辦公室接受訪問，回答電影問題明顯有備而戰。當記者問到跟江若琳合作，葉念琛尷尬地笑：「哈哈……咪合作過拍一條短片。」至於會否找她拍自己的電影時，他說：「睇故事啦！睇吓個角色啱唔啱。」
新緋聞傳出，同時間葉念琛已有新諗頭，是否會由另一演員班底拍戲，他說：「其實一直唔係刻意一年拍一部，本身三個故事冇延續，但係三部戲加埋，講出現代愛情殘酷物語，已經講夠，好全面，所以我先話今次係壓軸。而今次都有同其他人合作，好似曾愷玹，睇過佢之前嘅戲，對佢印象都好好。」不過三年跟小方和Stephy合作，葉念琛大讚二人也讓他覺得有新鮮感，他說：「佢哋拍完我嘅戲，之後拍人哋嘅戲會進步，所以我哋再合作時，溝通同交流會更大。」
另外，方力申和Stephy今次的角色性格，跟以前兩部截然不同，葉念琛說：「以前小方個形象係溫文儒雅，弱啲嘅，但呢套戲佢會man嘅，男人得多，仲要做愛情騙子，而且係食住天真嘅Stephy，鬧佢玩佢。至於Stephy之前拍《塚愛》，個角色太heavy，今次我要佢刻意放鬆，要佢唔好諗點做個角色，要佢做到單純、儍更更嘅女仔。對佢哋嚟講算係挑戰，但我覺得佢哋做得好好。」
螢幕情侶有火花
問到是否覺得二人是很好的螢幕情侶，葉念琛只說：「默契越嚟越好，三套戲都有火花，證明觀眾鍾意睇。」
採訪：王連連 攝影：葉君海