香港人工作時間長，不少打工仔都愛將一些家居擺設和心頭好放到辦公室去，有些甚至已把辦公室當作家居來看待。
網友roxy_girl最近在討論區中表示，有同事在辦公室擺放很多裝飾擺設，令工作空間因而縮小。樓主稱：「我同事個位好似主題公園。」大家覺得他的辦公桌像一個私人珍藏所，多過似一個工作間。
chrischan指出：「我有個同事張枱擺晒啲模型車，枱頭有兩部公司電話，一個係直線，另一個係總機，好似開股票行咁！」網友healchu則稱：「好多同事都係咁，有啲同事將啲扭蛋公仔一排咁『黐』咗喺個Mon頂，有啲貼晒啲卡通海報喺個位度，其實佢哋本身個位已經冇乜地方，仲擺咁多嘢塞住自己！」
網友悶豆豆見怪不怪地：「有位同事直情着睡鞋㖭，老闆仲話佢對睡鞋好得意。」其實最重要是獲得辦公室最高領導人同意，小美玲說：「有啲公司講到明唔畀員工擺咁多與公司無關嘅嘢喺位度……好睇個上司點睇！」
http://www2.discuss.com.hk/viewthread.php?tid=6588525&extra=page%3D1&page=2