陳慧嫻昨日接受新城電台節目《啤梨士多》訪問,她最近為道路安全宣傳運動主唱主題曲,提起道路安全,原來以前曾在美國學習駕駛,可惜上第一堂課已被自己的駕駛技術嚇得半死,最後放棄學車,慧嫻說:「我唔想車死人,亦都唔想自己死,注定我冇呢方面天份,寧願坐的士。」
猛呻孤獨生活
慧嫻自從與醫生男友分手後,體重一直有減冇增,最新體重只有94磅,瘦得連胸都縮細了,她說:「其實我可以肥啲,不過瘦着衫好睇啲,以前都試過肥到120幾磅,十足肥師奶咁,因為男朋友鍾意食,日日陪佢去街食飯,食到個人肥晒,𠵱家得番自己一個,出街食飯又冇癮,每日喺屋企煲湯、烚菜,一星期食兩次魚肉,瘦到胸都細埋,咁就證明我個胸係真材實料,唔係假。」
採訪、攝影:魯萍