無綫新一輯《四葉草》昨日開始招募演員，60位藝員歌手齊集電視城錄影廠，參加《四葉草式青春愛情故事》抽籤試鏡，估不到行成熟性感路線的三人女子組合Freeze都有份參與試鏡。Freeze成員甄穎珊興奮地說：「客串都OK！」
無綫《四葉草式青春愛情故事》抽籤試鏡在電視城4廠舉行，一班新晉歌手如陳柏宇、洪卓立、梁雨恩、KellyJackie及一班無綫藝員訓練班學員參與試鏡。現場全部都是青春無敵的新面孔，估不到一出道以成熟性感形象獲男士歡心的三人女子組合Freeze，都有份參與試鏡。
「最緊要自然」
Freeze表示為了今次活動，特別挑選一身騎馬造型服飾，配合《四葉草》的騎馬學校主題，Freeze還恨到出口說：「我哋好想拍呀！」甄穎珊說：「客串都OK！」石詠莉自我推銷說：「如果有得拍就好，可以做番細啲，幾突破，同平時嘅我哋唔同，我就覺得自己啱做男仔頭角色，似番平時嘅我，做戲最緊要自然嘛！」
陳柏宇帶着師妹Jaime一齊試鏡，他第一時間向師妹教路說：「我同佢講唔好咁緊張，放鬆啲先至容易投入。」
Jaime露膊搶鏡
Jaime甚懂得搶鏡，穿上露膊春裝突圍而出，她說：「呢套衫係自己揀，呢條裙係今年興嘅一字膊裙，我唔係搶鏡，只係想打扮靚啲尊重個場合。」Jaime除了懂得穿衣突圍，還有何優點？她說：「我識跳舞同笑容燦爛，之前我去加拿大跟過黑人學hiphop。」
採訪、攝影：楊潔雯
