早排財爺宣佈取消葡萄酒稅，對我𠵱類得閒鍾意喺屋企飲番一、兩杯Wine嘅人嚟講，當然係一大喜訊啦！早幾日去超市掃貨時，唔少葡萄酒已經減咗價。好似一向以廉價但優質取勝嘅澳洲牌子Hardys，其中一款ChardonnayPinotNoir由早前賣開65蚊減到49蚊，我即刻買多幾支！屈臣氏酒窖都話葡萄酒即日起減價，減幅都有八折㗎。
切拉提子味較濃
雖然話葡萄酒越嚟越平，但我唔係好識點揀，打電話畀專業品酒師兼職業訓練局旅遊服務培訓發展中心餐飲部教導員梁衛民問問。佢話初學者應先了解葡萄嘅口味，最簡單嘅方法係根據個人喜好選擇濃、淡或者果香味，之後先去研究年份、產地等等。例如濃味嘅可以揀切拉提子（Syrah），淡味嘅就係梅鹿（Merlot），果味重啲嘅可選長相思（SauvignonBlanc）。佢仲話，𠵱家好多超市都會有簡介畀客人，有啲仲會教埋邊隻酒配邊啲食物，所以都好易揀。
逢周一至周四刊出