兩年前因肺炎入院的邵逸夫（六叔），日前再因病入住九龍城聖德肋撒醫院接受治療，目前仍然留醫，雖然無綫總經理陳志雲強調六叔只是身體檢查，但六叔太太方逸華離開醫院時，表現煩躁，眾藝人對六叔入院一事均大表關心。
對於六叔入院消息，眾藝人均表示關心，人人都希望他身體健康，薛家燕對於六叔入院一事全不知情，她說：「年紀大成日check住都係好事。」對於方逸華在醫院門外表現不耐煩，她說：「可能方小姐有其他嘢唔開心啦，大家唔可以拎埋一齊講。」家燕姐表示早前由別人口中得知六叔身體很好，她說：「之前聽人講六叔身體冇乜問題，仲話佢識講笑，所以我諗大家唔使咁擔心。」
關菊英不信有礙
鍾嘉欣則希望六叔身體健康，她表示印象中六叔是一個好老闆，她說：「我記得有一年我做華姐要陪六叔坐，佢一開始就同我講英文，我當堂呆咗，我以為係同佢講中文，佢英文好純正，好勁，佢仲關心我，問我係咪一個人住，慣唔慣？」
關菊英知道六叔經常練氣功，身體壯健，她說：「我今朝聽媽咪講呢件事，我諗係checkup，老人家耐唔耐要checkup，六叔咁健康，聽講佢成日練氣功，台慶見到佢幾好，幾精神。」
夏萍：我老佢都老
76歲的夏萍相信六叔純粹做身體檢查，她說：「佢之前都有入過去（醫院），咁佢冇乜嘢事？我老佢都老囉，不過見佢精神好，唔似咁大年紀，其實佢唔止100歲呀！」古巨基昨日出席銅鑼灣活動時，相信六叔吉人自有天相，他表示去年10月台慶亮燈儀式上見過六叔，覺得他為人和藹可親，臉上永遠掛上笑容。
採訪、攝影：楊潔雯、李珮洳
