雲尼亞里就快玩完？祖記主場不敵費倫天拿2:3後，憤怒嘅球迷喺非官方網站搞投票，結果竟高達近75%球迷認為雲帥應立即落台！祖記今季唔使兼顧歐洲賽，意盃出埋局，專心力攻意甲，點知近3場只曾喺拖連奴身上搶得1分，仲要20年來首次喺主場輸畀費倫，如今連「3哥」嘅位置都危危乎，唔怪得忠心粉絲發老脾；講開先講，我求大俠發覺雲帥走頭之後，總會留番啲旺氣畀前主，名帥們，係時候昅實呢個筍盤喇！