回憶不一定是美好的，小時候被父母體罰的經歷，留下的只有慘痛回憶，當年各式各樣的「刑具」：藤條、雞毛掃、間尺、衣架等常用的刑具，恐怕大家仍歷歷在目。
「幻囗菊廁狼」說：「間尺，動武指數no.1，又輕巧又好揸，多數用嚟打手板；衣架，咪以為唔痛，其實膠包鐵，痛到入心入肺，多數用嚟亂咁打；藤條，避冇可避，專攻手臂大髀，諗起都心寒，每次用完，手腳必定有痕。」
除了常見刑具外，還有些不似刑具的刑具，「汝無名」有「跪綠豆，當時覺得受苦嘅程度僅次於跪玻璃」。「2tovs」則有「書，都是A3開的書，而且起碼有2CM厚，一捲起來威力很大，不能輕視」。
不過要數最犀利的，就是阿媽的眼淚，「路人丙」說：「細個真係好曳好曳，中學時誤入歧途俾人拉咗上差館，老母冇打冇鬧，只係望住我喊，未見過佢喊，原來老母最大最強嘅武器就係對我嘅愛。」
http://www.toysdaily.com/discuz/thread-54470-1-1.html