周杰倫正忙於舉行世界巡迴演唱會，香港站在去年底於紅館演出過後，將於下月5日到澳門舉行「周杰倫世界巡迴演唱會2008澳門站」，暫定一場。周董今次是首次在澳門開個唱，他選在威尼斯人度假村的綜合館演出，而非像一般歌手選在澳門綜藝館演出。
對照內地騷票價
票價比香港的$480貴很多，最貴門票是$1,200，還有$780、$580及最平的$280，現正進行信用卡訂票，主辦單位東亞娛樂發言人梁小姐昨日接受電話查詢時說：「威尼斯人綜合館之前搞嘅騷，票價都要幾千蚊，我哋今次已經調低咗，只不過係對照內地演唱會嘅票價。呢個場新起嘅，設備新啲齊啲，觀眾都坐得舒服啲啦，呢個定價係OK。」
採訪：蔡如玉