女子組合Freeze、袁彌明、梁雨恩、郭思琳等前晚在中環出席OOCommunity視像交友平台啓動派對，Freeze成員甄詠珊因皮膚敏感缺席。石詠莉揚言網上交友時，曾多次遭性騷擾，她說：「試過啲人話要約我出嚟搞，又話想同我搞cybersex，又問我着乜嘢色內衣、三圍數字，好變態囉。」問她遇過幾多個這類網友？她說：「都有20個左右。」
暗寸Maggie高竇
早前有指Freeze與動漫Maggie李曼筠吵架，陳樂榣句句有骨說：「我哋冇嘈交，我哋都冇呢個意識、又唔值得，係佢睇唔起我哋老細啫，呢啲係佢哋嘅事，私人解决囉，唔關我哋事。」問她對李曼筠的印象如何？她說：「細路女囉，初時佢同我哋都冇眼神接觸，後來都OK，有打招呼，可能大個女啦。」陳樂榣又謂一向感受到圈中人情冷暖，她說：「呢個圈係好虛偽，呢頭sayhi，轉頭又話你，不過我哋都會繼續敢作敢為嘅性格。」
採訪：羅慧敏
攝影：陳慧安