黃日華、許志安、吳家樂及陳百祥等昨日隨明星足球隊往上海，準備今天與上海明星隊作友誼賽。黃日華談到肥姐追思會上，鄭少秋被鄧光榮怒轟一事時說：「大哥（鄧光榮）錫肥姐，秋官都有苦衷，應該等秋官工作完後，兩個好好坐低傾吓。」
當日秋官主動向鄧光榮握手示好，但遭撥開拒絕，黃日華說：「當時火爆心情好難講，畀我可能都會，但唔好搞到咁僵啦。希望大家私底下傾好，唔好影響感情，平心靜氣講清楚，畀肥姐去得安心，以和為貴。」黃日華又大讚欣宜處理得好，遺傳了肥姐優點。
阿叻寸入戲
許志安則說：「我好明白三方面，但最重要大家尊重肥姐，秋官好慘，對住咁多人咁樣，好難受㗎。」阿叻說：「大哥係好人，不過喺唔適合場合做呢啲嘢，家家有本難念的經。秋官都幾入戲呀，佢慣咗忍辱負重，演慣俾人蝦嘅角色，佢處理得好好，畀我同志偉都唔知點算，佢好似做緊《書劍》嘅陳家洛咁。」
採訪、攝影：張俊銘