【本報訊】病魔苦苦折磨，「開心果」沈殿霞仍隨時在病榻中發出招牌哈哈笑聲；惟獨愛女欣宜令她不捨得告別塵世。沈殿霞生前的主診醫生香港大學醫學院外科學系盧寵茂教授憶述，肥肥即使在深切治療病房（ICU）內，仍會爽朗大笑，其後她病情惡化，在仍能睜開眼的時候，她不斷的望着欣宜，可惜當時她已不能說話。
爭取每分秒享受人生
盧寵茂昨沒有到場出席追思會，但透過錄影片段向公眾講述肥肥跟病魔搏鬥的經過。盧醫生跟肥肥相處約18個月，發現她是人前人後貨真價實的開心果：「佢好真，就算好辛苦，喺ICU，間中都會傳出佢啲招牌笑聲」。肥肥接受治療期間，很少作出抱怨，即使治療效果未如理想，她也堅強地接受現實。
盧醫生說，最難忘是肥肥當病況一有好轉，就面露欣喜，「例如當佢可以食番嘢，就已經好開心。又例如有次佢要用呼吸機，講唔到嘢，當可以拔開喉管，幾分鐘後就聽到佢笑聲」。
他深深感到肥姐「好唔想離開」，在人生的最後歲月，爭取每分每秒享受生命。「雖然有啲人會話佢唔聽話，點解病仲出街，食呢樣食嗰樣，但我完全唔反對」。「佢喺最後時間有機會做鍾意嘅嘢，同佢屋企人一齊享受一吓」。盧寵茂又說，最教肥姐不捨的，是愛女欣宜。「佢喺最後一剎那，當仲可以睜開眼時，我睇到佢不斷咁望住欣宜，佢冇講任何嘢，只係不斷咁望住欣宜，我知道佢最掛住就係欣宜。」