蔡卓妍（阿Sa）昨日出席在尖沙嘴舉行的「第4屆香港I.T.至專大獎頒獎典禮」，她獲頒最受歡迎封面人物大獎，並代容祖兒領取我最喜愛的I.T.產品代言人大獎。涉及淫照事件的鍾欣桐（阿嬌）避席，最近阿Sa經常獨撐，她坦言感到乏力，她說：「每日返到屋企都好攰，好似打完仗咁，好頭痛，仲要答咁多問題。」問她是否因替阿嬌應付傳媒而感到煩厭？她說：「咁又唔係，組合應該互相幫忙，只係好緊張，驚答錯嘢，其實我同阿嬌都有傾過幾時一齊出返嚟做嘢，不過大家唔想push佢太緊。」早前已傳阿嬌被飛出電影《武俠梁祝》女主角，最近有消息指阿Sa會接演女主角，阿Sa說：「一日未開拍導演都可以換人，劇本未實，所以我都唔清楚。」
外地進修避難
至於阿嬌與謝霆鋒完成內地廣告宣傳後，已獲公司批假，並計劃到外地進修，其助手會同行照料，不過英皇還未替她選好地點和居所，故不可能在短時間內成行，原本她向公司請三個月假，但公司只批准放兩個月，若有工作更要立刻返港。
另外，對於有傳阿Sa會頂替阿嬌演《武俠梁祝》，記者昨日致電該片監製禤嘉珍，她說：「冇咁嘅事，阿嬌個角色，我哋正考慮由新人演出，唔明點解會傳出搵阿Sa做。」
採訪：魯萍
攝影：陳慧安