盧巧音（Candy）相隔四年多再開演唱會，她真空及谷胸上陣，身材與演出時的聲音一樣，時大時小，Candy獻唱關淑怡歌曲時，還踎低露出打底褲及黑Bra，她自爆曾推卻關淑怡邀請任個唱嘉賓，今次輪到她食檸檬。
盧巧音前晚在九展StarHall舉行「EyeonCandyLive」演唱會，她自03年在紅館舉行個唱後，相隔四年多再在舞台演出，今次特別真空上陣兼搏命谷胸，以性感姿態示人，但Candy整晚換了四套服飾，卻不是每次谷胸，以至有時大時小的情況出現，不過她在台上說：「我只係食咗幾粒墨魚丸咋，瘦咗。」
唱高音吃力
Candy選唱關淑怡的《梵音》，她說：「我知關淑怡之後會開演唱會，我唱畀佢聽，我本來想請佢嚟，我知佢忙，希望下次可以請到佢。」穿着短裙的Candy唱到中段，忽然踎低走光露黑Bra及打底褲。Candy每當演唱舊歌時，反應都甚好，但她唱歌至高音都顯得頗吃力，而且聲音恍如其身材般時大時細。除了唱歌，Candy也彈結他，當她要拿下結他時，結他帶纏着其特大頭飾，她只好邊大叫「救命」邊解圍。
Candy事後解釋自己身材豐滿的原因，她說：「夾硬嚟㗎。紮住個肚好辛苦，個身又唔可以扭太勁，會向下墮，我今日不設防，只係貼咗普通乳貼。」談到關淑怡，Candy表示：「因為之前佢聯絡過我想請我做嘉賓，但我太忙推咗，不過佢嚟緊演唱會唔請我都去睇。」
男友不見影
前晚捧場嘉賓有范曉萱與男友、張繼聰及藍奕邦等，Candy男友EricSo卻不見蹤影，Candy說：「男友好忙，好多project要做喎。」談到有傳她的前緋聞男友謝霆鋒與張栢芝離婚，Candy說：「我冇搵霆鋒，呢輪好忙，瘦到得90磅咋，我唔知雜誌話佢離婚，冇睇呀，我哋好少來往喇，佢去內地發展，冇乜特別搵大家，我諗佢哋應該冇乜嘢，耍花槍啫。」
採訪：王連連
攝影：仇志德
