不少港人都崇日情緒更加高漲，迴轉壽司、懷石料理、ShabuShabu等當道外，日式西餐亦廣受年輕一輩歡迎。最近一家新加坡日式西餐過江龍殺入香港，曾被當地雜誌評為最佳創意食肆，大賣鰹魚味創新日式意粉，唔止夠瀛更加夠鰹。
記者：區佩嫦
攝影：楊錦文、譚盈傑
1:1流口水食模
曾獲新加坡《I-SMagazine》讀者評選為最佳創意食肆的PASTAdeWARAKU，名氣並非太響，但首天殺入香港，百多個座位不足一小時瞬即爆滿，價錢大眾化是爆場主因，而在門前的晒冷裝飾相信亦屬功臣。全店72款1:1日式意粉模型在門外約5米闊的櫥窗大晒冷，有紅有綠，煞是吸引，途人行注目禮外，口水還會不自覺地流出！
日本入口食材
這兒的創意料理融入日韓元素，好似將羅勒炮製成青醬汁，還有以新鮮海膽、韓國泡菜等作意粉主角，統統考大廚的創意及廚技。餐牌會不定期更新，廚師還會定期去日本「腦震盪」，務求創造更多美食。雖是新加坡過江龍，日籍老闆為了貫徹和風風格，大部份食材、醬料均用日本入口貨，並選用加入鰹魚精華的意粉，增加麵的味及香，減少用牛油。
牛肉火鍋麵$68（小）$78（大）
火鍋料豐富，有牛肉、豆腐、蔬菜、菇菌等，配上秘製醬汁和雞蛋，仲以為食緊牛肉火鍋呢！
三文魚番茄青醬麵$68（小）$78（大）
以羅勒製成的青醬汁，配上煎香的三文魚塊及番茄，青橙紅三色令你胃口大增。
海膽三文魚卵墨魚奶油麵$58（小）$68（大）
新鮮海膽、三文魚子入口鮮甜，跟彈牙的白汁意粉伴着吃，口感清淡。
煙肉菠菜忌廉湯麵$68（小）$78（大）
湯意粉加入菠菜的忌廉汁，再以香口的煙肉陪襯，連湯都忍唔住要飲晒。
豬肉香腸茄子披薩$58（小）$68（大）
Pizza薄如紙的超薄批底，外脆內軟，配清淡的茄子和味濃的豬肉腸片，感覺獨特。
日式代表湯意粉
日式意粉和意式意粉有何不同？Jason話：「好似咖喱一樣，日本咖喱和印度咖喱其實都係咖喱，只不過味道一個較甜一個較辣。湯意粉是日式意粉的代表，意大利則完全無湯意粉這回事。另外，為了貫徹傳統的日本風，意粉、食材、醬油等多採用日本貨，好似日式醬油、明太子等，還有加了鰹魚精華的意粉，這些全都令意粉增加了和風色彩。」
有驚喜
Debbie：
賣相別致，上菜快，味道濃淡適中，畀佢9分。
Kin：
最好係有大小兩個size揀。湯意粉唔錯，浸得耐都唔會腍，有驚喜。
Anita：
薄餅邊位好脆，餅身又薄又軟，幾好味。
Zoe：
畀佢個大櫥窗吸引，有齊晒全個餐廳嘅食物，好過癮。
地址：荃灣楊屋道1號荃新天地高層地下41號舖
營業時間：11:30am-11:00pm
日本食客飯堂
坐落於崇光百貨內的SogoCafe，雖屬本地薑，內裏的陳設、菜式，卻給人典型日式西餐感覺。開業6年，已成為不少日本食客飯堂，下午來個hightea，甚或嘆個甜品。意粉是店內的主打項目之一，大廚用上西式煮法，部份更選用日本食材，來個西日crossover。
意大利海鮮扁麵伴廣加西汁$88
廣加西汁是加入洋葱調味的茄汁，味道較香兼有口感，配上蝦、帶子、三文魚塊，酸咪咪夠醒胃。
牛油麵包布甸$38
食店招牌甜品，麵包以牛油忌廉等處理，加入提子亁焗成，即焗即食否則縮水貴客自理。
香草炒三文魚墨魚汁麵$83
用橄欖油將墨魚汁麵炒香，加入胡椒調味的3大塊三文魚扒，入口香滑微辣。
SogoCafe（28381571）
地址：銅鑼灣崇光百貨B2地庫30號舖
營業時間：10:00am-10:00pm
香港平過日本
來自日本的ITALIANTOMATO，屬於大眾化的日式意大利餐廳，店內出售共10款意粉，較日本店的7款為多，部份意粉價錢更較日本便宜，加上令人難以抗拒的蛋糕，絕對是哈日迷不能錯過的選擇。
明太子忌廉意粉$45
明太子由日本空運到港，混合香濃的忌廉汁同吃，口感豐富。
蛋糕套餐$35（連咖啡或茶）
（順時針方向）藍啤梨芝士撻、紐約芝士餅、綠茶朱古力蛋糕、咖啡蛋糕及士多啤梨蛋糕。
日式醬油雞肉意粉$36
日式醬油加入薑、味醂等調味料，雞肉夠大塊又嫩滑，帶點醬油香味，一流。
ITALIANTOMATOCafeJr（28909582）
地址：銅鑼灣波斯富街48號軒尼詩大廈3樓F號舖
營業時間：11:00am-11:00pm
