陳冠希淫照風波牽連的女星，近日紛紛出錢或發聲明以求清白。傅穎（Theresa）前晚又擔保自己沒有拍過淫照，揚言自己沒錢，惟有「奉獻自己」作擔保，揚言若有自己的淫照，甘願與提供照片者合影一輯，如此言論未免過於激進。
陳冠希（Edison）淫照風波牽連甚廣，一眾曾與他傳緋聞的女星紛紛出招保清白，蔡依林和蕭亞軒日前各出一億新台幣（約2,500萬港元）徵淫照，鄧麗欣（Stephy）隨後也發聲明以正視聽。
冇錢惟有獻身
至於02年因與陳冠希合作拍《九個女仔一隻鬼》而傳緋聞的傅穎，前晚在中環出席時裝騷時，聲稱也有意發聲明，Theresa說：「我非常、極之無辜成為Edison女友，出道咁多年都冇傳過，無啦啦俾人拉落水。其實我唔係太理，但𠵱家緋聞阻礙咗我工作，有啲客搵我接job都考慮呢點。我可以擔保我一定冇呢啲相，如果有人搵到相，我就願意同嗰個影合照。」問到是甚麼合照，她說：「親密照囉。」問她為何不效法蔡依林和蕭亞軒出億元作擔保？她說：「我冇錢，惟有奉獻自己！」她又說：「我同Edison都冇乜講過嘢，真係冇。」
Stephy日前經律師發聲明，稱凡有報道指她是陳冠希淫照女角或她涉及風化案均屬誹謗，昨日她到荃灣出席活動時，甫見記者即指頸背肌肉痛，談到發聲明後是否一身輕鬆？她笑說：「人就輕鬆晒，但條頸梗咗。」
Stephy感安心
Stephy續說：「之前有好多報道令大家誤解，同公司研究好耐有必要咁做，因為越傳可能越多人相信，出咗聲明收到家人同朋友電話話安心晒。」Stephy強調廣告商沒有查問過。問到有否聯絡房祖名等涉入傳聞的男主角？她說：「冇刻意，之前有次錄音見到祖名傾咗兩句。」
此外，新城知訊台台長朱明銳早前為「9+2音樂先鋒榜年度頒獎禮」於內地與九個省及澳門電台開會，會上有人提出是否讓Twins出席頒獎禮，最終大家取得共識，朱明銳說：「好似學生咁，冇操行，但成績好都會頒獎畀佢，操行係另一樣嘢，唔頒畀Twins對阿Sa（蔡卓妍）都唔公平。」但未落實是兩位還是阿Sa作代表。
採訪：顏英儀、馬建華
攝影：陳慧安、仇志德
