李彩華（Rain）日前拍攝亞視新劇《火蝴蝶》的火海救父戲份，飾演其父的盧海鵬因生意失敗反鎖自己於貨倉內，然後點火自焚被燒死。拍攝時兩人不需正面接觸烈火，阿Rain更鬼馬地說：「𠵱家天氣咁凍，感覺上暖暖哋，都幾好。」
李彩華及盧海鵬日前於小欖拍攝亞視新劇《火蝴蝶》，劇中鵬哥因生意失敗放火燒貨倉自焚，而飾演其女兒的阿Rain得知鵬哥燒貨倉後，立即趕到貨倉勸鵬哥，但鵬哥竟反鎖自己於貨倉內點火，最後鵬哥慘被燒死。該場為劇集的第一集，鵬哥笑指自己一出場就死，問到他拍攝可覺辛苦時，他說：「有幾辛苦呀，我得嗰一集。」
有危機感
雖然現場火勢不算大，但工作人員依然做足預防措施，而於門外的李彩華幸好毋須正面接觸烈火，她說：「不過都有少少危機感，平時都冇咁激，所以要小心啲。如果真係要近火嘅話都會搽防火膏，不過𠵱家天氣咁凍，感覺上都暖暖哋，都幾好，拍呢套劇有好多動作場面，好似之前拍我跳海嘅戲份。」
互笠高帽
鵬哥雖然只得一場戲，但他依然十分落力，問到可覺危險時，他說：「使乜嘢問呀！有幾危險先，啲火大極有限喇，好危險嘅都會有替身做。」此外，鵬哥大讚阿Rain十分勤力，他說：「雖然我同佢合作得一集，但佢真係好叻女。」阿Rain亦表示跟鵬哥合作獲益不少。
採訪、攝影：王崇穎