又遲咗。不過基本上我的月事從不太準時，在從前，遲幾天，我會覺得沒甚麼大不了。
只是，這一次不一樣，我想了很多，我甚至希望今次是成功了。不過，對我這個懶洋洋的人，就算覺得今次可能得咗，我還是沒有甚麼意欲去求證……
還沒有來……而且，最近總覺得特別容易攰，明明已經瞓多過10小時，但一到午後，很自然地就會打呵欠，好想去搵周公談談心。之不過，對一度以為患有渴睡症的我，唔，應該都沒有甚麼問題吧。
遲了兩星期，依然沒有來……我們，會不會真的成功了？但，行動依然是零。
直至某天，跟媽媽通電話：「你工作好辛苦咩，做乜成日話攰話眼瞓呀？你係咪有咗？」
我大笑：「可能係呀……」
放工，經過藥房，一秒間想過：「不如買驗孕棒？」但，還是放棄。
放棄，是因為我更相信專業的意見。於是，的起心肝，走進醫務所。「嘩！你有少少高血壓！你跑住嚟呀！」護士笑着問。不是吧，驗孕驗出高血壓，沒理由吧。
驗完尿，女醫生帶點微笑的解釋着她手上的驗孕紙：「恭喜晒，你有咗……」我?有?咗？
嘩，好開心，好開心，老公，我們成功了，成功有BB了。
個人資料
大肚Polei：
結婚年幾，從前唔恨亦唔想生仔。因為怕痛怕煩怕地球好快會末日。突然身邊幾個朋友玩大肚，突然心血來潮好想做媽咪。
留言簿
朋友H：
很多孕婦在懷孕初期都有輕微高血壓，因為身體多個人呀！所以要放慢腳步啦!